wo ek shakhs tha..

ye kya hua do lamho’n me sab kuchh bikhar gaya!!

koi shakhs dil ke tukdon pe hokar guzar gaya!!

sab kuchh luta luta sa bikhra yahan wahan......

jaise kisi chaman se tufaan guzar gaya !!

laga jase sab kuchh tham sa gaya ho!!

waqt jaise lamhon me jam sa gaya ho !!

Khushiyon ko jaise gehan lag gaya ho!!

Kahan se mai launga ab wo zamana

Wo naraz hona wo hansna hansaana

Wo halki si aahat, tera chaunk jana!

Wo baaton hi baton me raaten jagaana! 

Kahan se mai launga ab wo zamana..

Deewar o dar ko manaaunga kaise?

Wo masoom yaaden bhulaaunga kaise?

ghuti ghuti si aahen bhi khaamosh ho gayin!!

hairatzadah nigaahen bhi kuchh door tak gayin...

chaaha bahot ke rok lun,

aawaaz doon use..

khud badhke haath thaam loon,

jaane na doo'n use!!

lekin tamaam koshishen nakaam ho gayin

Shayad is zindagi ki yahin shaam ho gyi 

Andhera hawaaon me gehra rha tha

nigaahon me saaya sa lehra raha tha..

Wo ek shakhs tha...jo chala ja rha tha...!!

Meri jaan tha wo .. jo chala ja rha tha... 

shehar-e-biyabaa'n

koi khushi me na gham me shareek hai 
ye shehar ajeeb-o-ghareeb hai 
hain ajeeb yahan ke qaaidey 
kuch ajeeb hi han rivaayaten 
na kisi ko kisi ki khabar yahan 
na koi ksi k qareeb hai !! 

har chehra ek naqaab hai 
har hansi me chhupa raz hai 
yahan sarhadon ka to zikr kia
har ghar me ek mahaaz hai! 

yahan shohraton ki shaan hai
yahan rupiya hi emaan hai
yehi qaaidah qanoon hai
yehi is shehar ki jaan hai!! 

insaaniyat-o-jazbaat kiya..? 
yahan rishton ki auqaat kiya..?
kiya wafa hai aur eisaar kiya..?
kiya dosty hai aur piyaar kiya..?
sab dafn hote ja rahe han..
..is shehar ki dhoool mei
ye nayi emaaraton ka shehar hai !!
ye shehar ajeeb-o-ghareeb hai !!