Pesh Lafz - پیش لفظ

عزیز دوستوں

    میری چھوٹی سی دل و نظر کی دنیا میں آپ کا تہِ دل سے خیرمقدم ہے

میں کوئی باقاعدہ رائٹر تو نہیں، لیکن اپنے احساسات کو الفاظ کا جامہ پہنانے کی کوشش کرتا ہوں۔ اردو ادب میں دلچسپی کے سبب پڑھنے کے ساتھ ساتھ کچھ لکھنے کی بھی خواہش بیدار ہوتی ہے۔ وہ کہتے ہیں نا کہ جسے پڑھنے کا شوق ہوتا ہے اسے کبھی نہ کبھی لکھنے کا ذوق بھی ہو جاتا ہے… تو اسی خواہش کی تسکین و تکمیل کے لیے اپنے احساسات و تخیلات کو قلم کے لہو میں جذب کرکے لفظوں میں جان ڈالنے کی کوشش کرتا ہوں۔ کبھی یہ کوشش کامیاب ہو جاتی ہے اور کبھی صفحوں میں ہی دم توڑ جاتی ہے۔

الحمدللہ کہ اللہ نے انسان کو نظر عطا کی، جس کے بغیر انسانی تصور ہی تاریک ہے! جس کے ہونے سے زندگی ہے، کائنات روشن ہے۔ اس بصارت کے ساتھ خدا نے انسان کو بصیرت بھی عنایت کی، جس کا تعلق قلب و عقل سے ہے۔ جو پوشیدہ نظر ہے، جسے دل کی بینائی اور عقل کی دانائی بھی کہا جاتا ہے۔ ظاہری نظر کے برعکس اس کی وسعت محدود نہیں، جو ہر شے میں پنہاں کئی اور رنگ، کئی اور پہلوؤں سے روشناس کراتی ہے۔ پھر وہ شے چاہے کوئی انسانی شخصیت ہو یا قدرتی تخلیق یا قول و حکایت ہو۔ جون ایلیا ہوں یا اقبال ہوں، سوچ کے نئے زاویے کھولتے ہوئے عقل کے پردے ہٹاتی ہے اور خوب سمجھ میں آنے لگتی ہے۔

پس میں بھی اپنی "خاموش نظر" سے کوشش کرتا ہوں مشاہدے کی، اُن باتوں اور پہلوؤں کو چھونے اور سمجھنے کی جو بظاہر نظر نہیں آتیں، لیکن اگر عقل و خرد پر زور ڈالیں تو سب آشکار ہے—

"اس کی نگاہ میں بجھتے چراغوں کا تھا گماں 

اس کی ہنسی میں کراہ آنسوؤں کی  تھی

 اہلِ محفل کو وہ بڑا خوش باش سا لگا

اھلِ نظر کی نظر اس کی گستاخیوں پہ تھی

Azeez Doston,

Meri chhoti si dil-o-nazar ki duniya me aapka tah-e-dil se khairmaqdam hai :)

Mai koi bazaabta writer to nahi  lekin apne ehsasaat ko alfaaz ka jama pehnane ki koshish karta hun.., urdu adab me dilchaspi ke sabab padhne ke sath sath kuch likhne ki bhi khwahish bedaar hoti hai,wo kahte hain na jise padhne ka shauq hota hai use kabhi na kabhi likhne ka zauq bhi…to isi khwahish ki taskeen-o-takmeel ke liye apne ehsasaat-o-takhayyulaat ko qalam k lahu me jazb karke lafzon me jaan dalne ki koshish karta hun..,kabhi ye koshish kaamyaab ho jati hai aur kabhi safhon me hi dam tod jati hai.

Alhamdulillah..ke Allah ne insaan ko nazar ata ki jiske bina insani tasawwur hi tareek hai ! jiske hone se zindagi hai, kaayenaat raushan hai, is basarat ke sath khuda ne insaan ko baseerat bhi enayat ki  jiska ta'alluq qulb-o-aqal se hai,jo poshidah nazar hai jise dil ki beenaai, aqal ki daanaaee bhi kaha jata hai , zaahiri nazar ke bar'aks iski wus'at mahdood nahi, jo har shai me pinha kai aur rang kai aur pehluon se raushnaas karati hai,phir wo shai chahe koi insani shakhsiyat ho ya qudrati takhleeq ya qaul-o-hikayat ho, Jaun Elia hon ya Iqbal hon, soch ke naye zaaviye kholte huye aqal k parde hatati hai aur khoob samajh me aane lagti hai.

Pas mai bhi apni khamosh nazar se koshish krta hun mushaahide ki,un baton un pehluon ko chhoone aur samajhne  ki jo bazahir nazar nahi atin lekin agar aqal-o-khirad pe zor dalen to sab aashkara hai-

"Uski nigah me bujhte charaghon ka tha guma'n

 Uski     hansii     mei     karah  aansuon     ki thi

 Ahl-e-mahfil   ko   wo    bada khushbash sa laga

  Ahl-e-nazar   ki  nazar  uski gustakhiyon pe  thi"

....junaid